| 剛剛update左部電話個Symbian OS，其實吾知有得update本來，都係肥ele講我先知。
update完都係啲icon靚左，速度好似差吾多。
係旅行果陣玩過下阿輝部iPhone，我就覺得user-friendly過5800。
不過我吾係咁鍾意apple既marketing手法@@
番左黎香港都個幾禮拜，仲記得一到左香港國際機場見到接機既人覺得佢地好細粒。
歐洲人骨架比亞洲人都大幾多，一般都高啲，輪廓分明啲既係。
番到香港當然係有淡好食，旅行果陣成個月都係食包(原因一來啲野貴，二來想harsh下自己)
...食物既種類真係吾多我覺得。
香港真係咩都有得你食同買。
所以香港人好幸福架啦，應該感恩。
瘦左10磅我真係，去之前165 lbs，而家係155 lbs (用既係荃灣PHYSICAL既磅)。
想減肥既話就去一個月東歐係咁食包，包你光速瘦身。
同埋曬到黑曬，又瘦，人乾@@
但係都好既，冇左個肚腩。
其實個旅行我覺得都有啲辛苦，不過都係好值得，機會難逢，講真之後大家都出黎做野，吾會就
到時間，之後可能都冇咁好拍力。
辛苦係因為要成日拎住啲野走黎走去，穿越國家城市，未試過咁去旅行，之前去澳洲雖然都係自
由行，但係我都覺得同今次吾同，可能今次去得長啲，真係backpackers既旅遊方式，
所以我覺得對我黎講今次吾係一個旅行，而係一個體驗。
同埋成日都驚比人偷野，聽講去東歐一定比人偷野，好采我地
最後都冇損失，可能我地成日都超高警覺吧! 我成日周圍望XD
我地亦都冇瞓過街或火車站，雖然我地出發之前都未搞掂hostel同火車飛既野，上飛機之前我地淨
係搞掂左杜拜同Istanbul既hostel，之後都係邊行邊book hostel同火車飛，諗番起我地應該book曬
啲野先既，安全啲。
詳細既行程等我攞番啲相先記得，到時再打係e度同大家分享吧。
順帶一提波蘭最多美人。
要開始搵工了，而家搵得黎都差吾多，雖然我仲要讀多個sem。
下個sem讀咩科都揀好曬，等佢approve我take。
補習生涯都開始番，我都幾鍾意同人補習其實，吾係因為錢，真係興趣。
而家暫時有三個學生重生啓動補習，絶對係好事，早啲開始咪吾駛考試前尻讀。
最近董錦圓都出左pool，可風三大猛男淨得我冇女朋友XD，哈我地都想三pair人一齊去旅行，應
該會幾開心。但係好抱歉，暫時未有=.=......我阿媽都成日話我! 問我點解咁耐都冇拖拍。
我吾係同性戀，放心! 直過條柱。
如果係岩既話我就會追，未有岩呀嘛，我出手又點會搞吾掂呀!? 嘩哈哈@@
諗番起我真係吾係好識拍拖，哈。
又或者可能係因為仲有其他野我想做左先，搞掂左啲應該要做既野先啦，自己都未搞掂，又點照
顧人呢。始終有伴侶既話你就要照顧佢，當然佢都會照顧你。 | 
